Maaf Saya Betawi

maaf nih semuanye. nyak, babe, ncang, ncing, abang, eneng, semuanye. gapape kan ye kalo aye ngeblogging?

aye emang betawi. biar kate kagak murni, tapi darah betawi nyai aye ngalir deres di sekujur badan aye

sebagai betawi, keberadaan kite emang nampak kegusur. bahkan kadang kite aje ga sadar jati diri kite sendiri. cuma sebagai betawi yg melek buku, aye iseng2 tuh nyari asal usul betawi sendiri di perpus. pan mumpung baca di perpus masih gratis.

aye juga inget waktu sekolah pernah disuruh nelen yg namanye PLKJ (pendidikan lingkungan kebudayaan jakarta). di situ diajarin asal mula kota jakarta. dari mulai namanye kota pelabuhan Sunda Kelapa sampe sekarang jadi Jakarta. sebagai kota pelabuhan, wajar aje kalo banyak suku yg dateng ke Sunda Kelapa. dari mulai sunda (dulu emang jakarta itu di tanah sunda), jawa, batak, cina (tiongkok) sampe maluku juga ade di SK

nah, abis dibebasin sama abang Fatahillah, nama SK mulai jadi Jayakarta (kota kemenangan). emang sesuai namanye, Fatah (pembuka) sejarah Jakarta mulai dibuka di sini.

karena Jayakarta itu kota pelabuhan, wajar aje banyak pendatang dan pade saling kawin. jadinye ga jarang dah ade benda (betawi sunda), bejo (betawi jowo, termasuk aye sendiri), beli (betawi bali), asnawi (asli cina betawi) dll. jadi aye makin mikir, sebagai betawi ya emang sewajarnye aye nerima kemajemukan yg ade di kampung aye: Jakarta. rasanya toleransi itu emang jadi barang wajib. tapi biar kata toleransi, jangan sampe budaya sama prinsip sendiri kegusur

aye tetep bangga sama ini logat. bangga sama budaya palang pintu. bangga sama “badut” ondel2 dua ekor, bangga makan roti buaye, kerak telor, gado2, mie juhi dll

dan sebagai betawi yg pasti berpaspor ijo, aye juga harus bisa nerima perbedaan yg lebih banyak lagi. Indonesia aje punya semboyan Bhinneka Tunggal Ika (biar kate beda2, tapi tetep satu). ga ade orang yg salah karena dia lahir jadi betawi, jawa, batak, ambon, tiongkok dll. ga ade orang yg salah karena dia Islam, Kristen, Katolik, Hindu, Budha, Yahudi, Atheis dll. kecuali kalo die masuk aliran radikal, tu pasti karena emang ade yg salah sama otaknye

jadi maap ye semuanye kalo aye betawi, kalo aye orang Indonesia dan aye bisa nerima perbedaan. perbedaan itu Indah ko. ibarat tipi, lebih enak nonton yg Full Color + HD kan daripade yg item putih, apelagi item doang alias tipi mati

Leave a comment

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: